Yeni hökumət və onun başçısı and içdi
Avstriyada yeni hökumət dekabrın 18-də prezident Aleksandr Van der Bellenin hüzurunda and içərək fəaliyyətə başlayıb. Xalq Partiyası və Azadlıq Partiyasının üzvlərindən ibarət hökumətin 14 üzvü var. 8 portfel Xalq Partiyasına, 6 portfel Azadlıq Partiyasına qismət olub.
Avstriya Azadlıq Partiyası millətçiliyi, Avropa inteqrasiyasına, köçkünlərə qarşı radikal münasibəti ilə tanınır.
Novator.az-ın məlumatına görə, kansler postunu Xalq Partiyasının 31 yaşlı lideri Sebastyan Kurts tutub. Azadlıq Partiyasının lideri Hayns-Kristian Ştraxe kansler müavini postuna gətirilib.
Xalq Partiyası oktyabrın 15-i Avstriyada keçirilmiş parlament seçkisinin qalibi olub. Azadlıq Partiyası seçkidə üçüncü yeri tutub.
Sebastyan Kurts əvvəlki hökumətdə xarici işlər naziri idi.
