Yaşıl meydanlarda son durum
Almaniya milli futbol çempionatı qış tətilinə çıxıb. İstirahət 2018-ci il yanvarın 12-də bitəcək. Novator.az-ın məlumatına görə, 17 turluq ilk dövrədən sonra “Bavariya” 41 xalla önə çıxaraq ən yaxın izləyicisini 11 xal qabaqlayır.
“Şalke” 30 xal, “Borussiya” (Dortmund), “Bayer”, “Leypsiq”, “Borussiya” (Möhhenqladbah) 28 xal toplayıb.
İngiltərə çempionatının lideri “Mançester Siti” 18-ci turda xallarının sayını 52-yə çatdırıb. Onu 41 xalla “Mançester Yunayted” təqib edir.
“Çelsi”nin 38, “Liverpul”un 34 xalı var.
İspaniya çempionatında 16 turun yekununda “Barselona” birincidir: 42 xal. “Atletiko” 36 xalla ikinci pillədə durur, onu 34 xalla “Valensiya” təqib edir.
Bir oyun az keçirən “Real” 31 xal yığıb.
17 turun ardından İtaliya çempionatında ilk pillədə 42 xalla “Napoli” dayanır. “Yuventus” 41 xal, “İnter” 40 xal toplayıb.
Ehtiyatda bir oyunu olan “Roma”nın 38 xalı var.
PSJ 18 turdan sonra Fransa çempionatında zirvədə qərar tutub: 47 xal. Lideri 38 xalla “Monako” və “Lion” təqib edir.
