34 mindən çox şəxsə reabilitasiya xidməti göstərib
Əmək və Əhalinin Sosial Müdafiəsi Nazirliyi bu ilin yanvar-noyabr aylarında əlilliyi olan və sağlamlıq imkanları məhdud 34 min 671 şəxsə reabilitasiya xidməti göstərib.
Rəsmi məlumata görə, Protez-Ortopedik Bərpa Mərkəzi, onun Gəncə filialı və Naxçıvan istehsalat sahəsində əlilliyi olan şəxslərə və sağlamlıq imkanları məhdud uşaqlara dayaq-hərəkət sisteminin itirilmiş funksiyalarının bərpası məqsədilə 28 min 936 protez-ortopedik məmulat və reabilitasiya vasitəsi (o cümlədən 908 ədəd əlil arabası, 1582 ədəd aşağı və yuxarı ətraf ortezi, 8 min 270 ədəd müxtəlif reabilitasiya vasitələri, 1188 ədəd aşağı və yuxarı ətraf protezi, 2 min 425 cüt protez ayaqqabı, 4 min 233 cüt ortopedik ayaqqabı, 573 ədəd bel və boyun nahiyəsi üçün korset, 221 ədəd ortopedik aparat) verilib.
