Təzələnmiş rüsumlar
“Dövlət rüsumu haqqında” qanuna dəyişikliklər imzalanıb. Prezident İlham Əliyevin imzası ilə rəsmiləşən yeniliklər 2018-ci il yanvarın 1-dən qüvvəyə minəcək.
Novator.az-ın məlumatına görə, Azərbaycan vətəndaşlarına xaricə getmək hüququ verən pasportların itirilməsi və ya korlanması ilə əlaqədar yenidən verilməsi rüsumları belə müəyyən olunub:
on iş günü müddətində verildikdə – bir yaşınadək uşaqlar üçün 20 manat; bir yaşından üç yaşınadək uşaqlar üçün 30 manat; üç yaşından on səkkiz yaşınadək uşaqlar üçün 40 manat; on səkkiz yaşına çatmış vətəndaşlara 50 manat;
beş iş günü müddətində verildikdə – bir yaşınadək uşaqlar üçün 30 manat; bir yaşından üç yaşınadək uşaqlar üçün 50 manat; üç yaşından on səkkiz yaşınadək uşaqlar üçün 70 manat; on səkkiz yaşına çatmış vətəndaşlara 90 manat;
bir iş günü müddətində verildikdə – bir yaşınadək uşaqlar üçün 50 manat; bir yaşından üç yaşınadək uşaqlar üçün 90 manat; üç yaşından on səkkiz yaşınadək uşaqlar üçün 130 manat; on səkkiz yaşına çatmış vətəndaşlara 170 manat.
Şəxsiyyət vəsiqəsinin itirilməsi və ya korlanması ilə əlaqədar yenidən verilməsinə görə yeni rüsumlar belədir:
on iş günü müddətində verildikdə – 15 manat;
üç iş günü müddətində verildikdə – 35 manat;
bir iş günü müddətində verildikdə – 45 manat.
Hüquqi şəxslərə arxiv arayışlarının, arxiv sənədlərindən çıxarışların, arxiv sənədlərinin təsdiq olunmuş surətlərinin verilməsinə görə rüsumlar belə rəsmiləşib:
üç iş günü müddətində verildikdə – 20 manat;
beş iş günü müddətində verildikdə – 10 manat.
Fiziki şəxslərə arxiv arayışlarının, arxiv sənədlərindən çıxarışların, arxiv sənədlərinin təsdiq olunmuş surətlərinin verilməsinə görə rüsumlar belə olur:
üç iş günü müddətində verildikdə – 10 manat;
beş iş günü müddətində verildikdə – 5 manat.
