Silahlı Qüvvələrin rəhbər heyəti toplanıb
Müdafiə Nazirliyinin 15 dekabr məlumatına görə, Silahlı Qüvvələrin bütün rəhbər heyətinin iştirakı ilə toplantı keçirilib. Toplantıda müdafiə nazirinin müavinləri, komandanlar, nazirliyin baş idarə, idarə və xidmət rəisləri, birlik və birləşmə komandirləri, qərargah rəisləri və digər məsul zabitlər iştirak edib.
Mod.gov.az bildirir ki, toplantıdan əvvəl şəxsi heyətin sıra baxışı keçirilib, sonra müdafiə naziri general-polkovnik Zakir Həsənov toplantının keçirilməsi ilə bağlı ümumi tapşırıqlar verib və əsas istiqamətlər üzrə vəzifələri müəyyən edib.
İştirakçılardan hərbi nizamnamələr, rəhbəredici və digər normativ hüquqi sənədlər üzrə məqbullar qəbul edilib və şəxsi heyətin fiziki hazırlığının səviyyəsi yoxlanıb.
Çöl-səhra şəraitində təşkil olunan təlim sahələrində hərbi texnika və atıcı silahlardan atışlar icra olunub.
