Şəhid hərbi qulluqçu dəfn olunub
Ermənistan Silahlı Qüvvələrinin atəşkəsi pozması nəticəsində şəhid olan Azərbaycan Ordusunun hərbi qulluqçusu Salahov Fizuli Süleyman oğlu dekabrın 15-də Şabranın Gəndob kəndində torpağa tapşırılıb.
APA-nın məlumatına görə, dəfn mərasimində Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin nümayəndələri, Şabran Rayon İcra Hakimiyyətinin, hüquq mühafizə orqanlarının rəhbərliyi, şəhidin qulluq etdiyi hərbi hissənin əsgər və zabitləri, rayon ictimaiyyəti, kənd sakinləri iştirak edib.
Füzuli Salahov 2003-cü ildə Silahlı Qüvvələrdə xidmətə başlayıb. Ailəlidir, iki oğlu var.
1988-ci ildə başlayan Qarabağ müharibəsində Ermənistan Azərbaycanın bütün cənub-qərb bölgəsini (Dağlıq Qarabağı və ətraf 7 rayonu), eləcə də Qazax rayonunun 7, Naxçıvan Muxtar Respublikasının 1 kəndini işğal edib. 1994-cü ildə elan olunan atəşkəsdən bəri sülh danışıqları heç bir nəticə vermir.
