“Kütləvi çıxarış” hesabatı
Əmlak Məsələləri Dövlət Komitəsi dekabrın 13-də Yasamal rayonunda, “A.M.K” Yasamal MTK-nın inşa etdiyi yeni tikilidə hazır çıxarışlar təqdim edib. Kampaniya yaşayış binasının həyətində keçirilib, 40-a yaxın sakin mənzillərinə dair çıxarışlar alıb. Eyni zamanda vətəndaşlardan mənzillərə dair çıxarışların verilməsi üçün ilkin sənədlər qəbul edilib.
Rəsmi məlumata görə, 2017-ci ildə 19, ümumilikdə isə 64 “Kütləvi çıxarış” kampaniyası keçirilib. Sosial tədbirin 12-si paytaxtda, 52-i isə müxtəlif şəhər və rayonlarda baş tutub. Start verildiyi gündən indiyədək 11 mindən çox vətəndaş kampaniyadan faydalana bilib. Ahıl, fiziki məhdudiyyətli insanlara evlərində xidmət göstərilib.
