İki milli çempionatda yenilik var
Bu həftə İngiltərə və Almaniya milli çempionatlarında növbəti oyunlar keçirilib. Novator.az-ın məlumatına görə, İngiltərə çempionatının lideri “Mançester Siti” 17-ci turda xallarının sayını 49-a çatdırıb. Onu 38 xalla “Mançester Yunayted” təqib edir. “Çelsi”nin 35, “Tottenhem”, “Liverpul” və “Bernli”nin 31 xalı var.
16-cu turu geridə buraxan Almaniya çempionatında “Bavariya” 38 xalla liderdir. “Şalke” 29 xal, “Leypsiq” 28 xal, “Bayer” 27 xal toplayıb.
Hazırda İspaniya çempionatında “Barselona”, İtaliya çempionatında “İnter”, Fransa çempionatında PSJ öndədir.
Rusiya çempionatı qış tətilinə “Lokomotiv”in (Moskva) liderliyi ilə çıxıb.
Türkiyə çempionatında “Qalatasaray”, Ukrayna çempionatında “Şaxtyor”, Hollandiya çempionatında PSV, Portuqaliya çempionatında “Portu” ilk sırada dayanır.
