Gecikdirilmiş ödənişlər barədə rəsmi məlumat
Dövlət Əmək Müfəttişliyi Xidməti gecikdirilmiş sosial xarakterli ödənişlər barədə hesabat yayıb. Rəsmi məlumata görə, bu ilin yanvar-noyabr aylarında işçilərə 102 min 623 manat məbləğində gecikdirilmiş sosial xarakterli ödəniş ödənib.
Əmək və Əhalinin Sosial Müdafiəsi Nazirliyi bildirir ki, həmin vəsaitin 92,2 faizini əmək haqları, 5,2 faizini işəgötürənlərin ödəməli olduğu sosial müavinət və kompensasiyalar, qalan hissəsini zərərə görə ödənclər təşkil edib.
