Xarici ticarət: əsas tərəfdaş İtaliyadır
Azərbaycanın əsas xarici ticarət tərəfdaşları açıqlanıb. Novator.az-ın məlumatına görə, Dövlət Gömrük Komitəsi bildirir ki, 2017-ci ilin yanvar-noyabr aylarında əsas tərəfdaş İtaliya olub. Bu ölkə ilə ticarət ümumi dövriyyənin 20,66 faizi həcmində göstərilir.
Türkiyə 10,58 faizlə ikinci, Rusiya 8,55 faizlə üçüncüdür.
İxracda əsas ölkə İtaliyadır: 31,41 faiz. İdxalda isə Rusiya birincidir: 17,51 faiz.
Hesabata görə, ixracın 7,5 faizi MDB ölkələrinin, 53,08 faizi Avropa İttifaqı ölkələrinin, 39,42 faizi digər ölkələrin payına düşür.
İdxalda MDB-nin payı 27,03 faiz, Avropa İttifaqının payı 21,4 faiz, digər ölkələrin payı 51,58 faizdir.
