Sənaye: qeyri-neft istehsalı 3,5 faiz artıb
Dövlət Statistika Komitəsi sənaye hesabatı yayıb. Novator.az-ın məlumatına görə, hesabatda qeyd olunur ki, 2017-ci ilin yanvar-noyabr aylarında ölkədə 35,7 milyard manatlıq sənaye məhsulu istehsal edilib. Məhsul istehsalı sənayenin qeyri-neft sektorunda 3,5 faiz artıb, neft sektorunda 5 faiz azalıb.
Sənaye məhsulunun 69,9 faizi mədən sektorunda, 24,9 faizi emal sektorunda, 4,4 faizi elektrik enerjisi, qaz və buxar istehsalı, bölüşdürülməsi və təchizatı sektorunda, 0,8 faizi isə su təchizatı, tullantıların təmizlənməsi və emalı sektorunda istehsal olunub.
