Ölkələrdə orta maaş
Ukraynanın Texty.org.ua analitik nəşri bir çox Avropa ölkəsində orta aylıq əməkhaqqının nə qədər olduğunu açıqlayıb. Novator.az-ın məlumatına görə, birinci yerdə İsveçrə göstərilir. Bu ölkədə orta aylıq əməkhaqqının 4 min 421 avro olduğu qeyd edilir.
İslandiya Texty.org.ua-dakı sıralamada 3 min 440 dollarla ikinci, Norveç 3 min 405 dollarla üçüncüdür.
Orta aylıq əməkhaqqının Türkiyədə 528, Rusiyada 474 avro, Qazaxıstanda 346 avro, Belarusda 320 avro, Gürcüstanda 293 avro, Ermənistanda 251 avro olduğu bildirilir.
Moldovada orta aylıq əməkhaqqının 216 avro, Ukraynada 190 avro olduğu iddia edilir.
Hesabata görə, Azərbaycanda orta aylıq əməkhaqqı 232 avrodur. Ancaq Dövlət Statistika Komitəsinin son hesabatına əsasən, 2017-ci il noyabrın 1-nə Azərbaycan iqtisadiyyatında muzdla çalışan işçilərin orta aylıq nominal əməkhaqqı 525,4 manat (263 avro) olub.
