Məhbus jurnalistlər: Türkiyə liderdir
Mərkəzi qərargahı ABŞ-ın Nyu-York şəhərində olan Jurnalistləri Müdafiə Komitəsi (JMK) bildirir ki, dünyada 262 jurnalist həbsdədir. Azadliq.org-un məlumatına görə, siyahıya yalnız 2017-ci il dekabrın 1-dək həbsdə olanlar salınıb, ilboyu tutulub buraxılanlar, itkin düşənlər, qeyri-dövlət qruplarının əlinə keçənlər nəzərə alınmayıb.
JMK-nın hesabatına əsasən, məhbus jurnalistlərin yarıdan çoxu – 134 nəfəri Türkiyə, Çin və Misirin payına düşür.
Qeyd olunur ki, Türkiyə məhbus jurnalist lideridir: ölkədə 73 jurnalist həbsdədir.
Azərbaycanda 10 jurnalistin həbsdə olduğu bildirilir.
İran və Rusiyada 5, Özbəkistanda 4, Qazaxıstanda 2, Ukrayna, Türkmənistan və Qırğızıstanda 1 jurnalistin həbsdə olduğu bildirilir.
