Dollar ən aşağı qiymət həftəsini başa vurdu
ABŞ dollarının rəsmi məzənnəsi dəyişib. Novator.az-ın məlumatına görə, Mərkəzi Bank dekabrın 6-dan 1,7 manata təklif olunmuş dolların kursunu 1,7001 manata qaldırıb. 1,7 manat 2017-ci ilin ən aşağı qiyməti idi.
Dekabrın 13-də gürcü larisi bahalaşaraq banklara 0,6539 manata satılır.
Bir çox valyutada isə ucuzlaşma qeydə alınıb. Avro 1,9983 manata, Rusiya rublu 0,0287 manata, türk lirəsi 0,4424 manata düşüb (Məzənnələr).
2017-ci ildə dollar 1,7707 manatla start götürüb. Ən yuxarı rəsmi qiymət yanvarda 1,9165 manat, fevralda 1,92 manat, martda 1,7563 manat, apreldə 1,7244 manat, mayda 1,7026 manat, iyunda 1,7023 manat, iyulda 1,7022 manat, avqust və sentyabrda 1,701 manat, oktyabr və noyabrda 1,7003 manat olub, dekabr 1,7001 manatla başlayıb.
2017-ci ilin geridə qalan dövründə Mərkəzi Bank dolları 7,06 qəpik ucuzlaşdırıb.
