95 min nəfərə yaxın şəxs peşə hazırlığına cəlb olunub
Əmək və Əhalinin Sosial Müdafiəsi Nazirliyi bildirir ki, noyabr ayında 15 min nəfərə yaxın şəxs peşə hazırlığı kurslarına və peşəyönümü tədbirlərinə cəlb edilib. Ümumilikdə 2017-ci ilin yanvar-noyabr aylarında 94917 nəfərin peşə hazırlığına və peşəyönümü tədbirlərə cəlb edilməsi təmin olunub.
Hesabata görə, əmək bazarına daxil olmağa hazırlaşan 91406 nəfər gənc peşəyönümü tədbirləri vasitəsilə əmək bazarının vəziyyəti, iqtisadi inkişaf şəraitində işəgötürənlərin əmək bacarıqlarına olan tələbləri barədə məlumatlandırılıb. İşsiz və işaxtaran vətəndaşların rəqabət qabiliyyətli peşələrə yiyələnmələri və bununla əmək bazarına çıxış imkanı əldə etmələri üçün yanvar-noyabr aylarında 3226 nəfər şəxs peşə hazırlığı kurslarına cəlb olunub.
Dövlət Sosial Müdafiə Fondunun 1 saylı Sağlamlıq İmkanları Məhdud Gənclərin Peşə Reabilitasiya Mərkəzi 11 ayda 285 nəfəri kurslara cəlb edib.
