Ana müxalifətin yeni lideri
Fransada sağ qüvvələri birləşdirən ana müxalifət partiyasına – Respublikaçılar Partiyasına yeni sədr seçilib. Novator.az-ın məlumatına görə, dekabrın 10-da keçirilən seçkidə bu postu 42 yaşlı Loran Vokye tutub.
Dünənədək Respublikaçılar Partiyasına sabiq prezident Nikola Sarkozi sədrlik edirdi. 62 yaşlı Nikola Sarkozi 2007-2012-ci illərdə prezident olub. Ötən ilin noyabr ayında o, sağ və mərkəzçi partiyaları 2017-ci ilin prezident seçkisində təmsil edəcək namizəd seçiminin birinci turunda uduzaraq siyasəti tərk etdiyini açıqlayıb.
Loran Vokye 2011-2012-ci illərdə ali təhsil və tədqiqatlar naziri postunu tutub, hazırda bölgə məclislərindən birinin sədridir. Mühacirlərə və Avropa inteqrasiyasına qarşı sərt münasibəti ilə ad çıxarıb.
