11 ayda Azərbaycana nə qədər adam gəlib?
2017-ci ilin 11 ayında Azərbaycana 2 milyon 477 min 908 nəfər xarici gəlib. Bu, ötən ilin müvafiq dövrü ilə müqayisədə 20% çoxdur. 2016-cı ilin yanvar-noyabr aylarında Azərbaycana 2 milyon 64 min 224 nəfər səfər etmişdi. Mədəniyyət və Turizm Nazirliyi belə hesabat yayıb.
Rəsmi məlumata görə, 2017-ci ildə Azərbaycana gələnlərin 790 min 258-i Rusiya, 488 min 269-u Gürcüstan, 340 min 702-si İran, 275 min 147-si Türkiyə, 87 min 215-i Birləşmiş Ərəb Əmirlikləri (BƏƏ), 58 min 259-u İraq, 53 min 583-ü Ukrayna, 32 min 644-ü Səudiyyə Ərəbistanı, 351 min 831 nəfəri digər ölkələrin vətəndaşıdır.
Bu il xaricilər Azərbaycana daha çox iyul ayında səfər edib: 313 min 515 nəfər.
2016-cı ilin 11 ayı ilə müqayisədə əsas artım tempi göstərən ölkələr İran, BƏƏ, Rusiya olub. İran üzrə 117 min 556, BƏƏ üzrə 44 min 558, Rusiya üzrə 105 min 20 nəfər artım qeydə alınıb.
