Avropa Liqasının 32-ləri
UEFA Avropa Liqasının 1/16 finalında mübarizə aparacaq bütün komandalar bəlli olub. Turnirdə qrup raundu dekabrın 7-də başa çatıb. Novator.az-ın məlumatına görə, son turda “Astana” (Qazaxıstan), “Ludoqorets” (Bolqarıstan), “Kopenhagen” (Danimarka), “Lokomotiv” (Moskva, Rusiya), AEK (Yunanıstan), “Srvena Zvezda” (Serbiya), “Marsel” (Fransa), “Atletik” (İspaniya) klubları növbəti mərhələ hüququ əldə ediblər.
Türkiyə təmsilçiləri “Başakşəhər” və “Konyaspor” turnirdən ələnib.
Dünənədək “Milan”, “Atalanta”, “Latsio” (İtaliya), “Lion”, “Nitsa” (Fransa), “Vilyarreal”, “Real Sosyedad” (İspaniya), “Partizan” (Serbiya), “Viktoriya” (Çexiya), “Estersund” (İsveç), “Dinamo” (Ukrayna), “Styaua” (Rumıniya), “Arsenal” (İngiltərə), “Zenit” (Rusiya), “Braqa” (Portuqaliya), “Zalsburq” (Avstriya) komandaları növbəti raunda vəsiqə almışdılar.
Çempionlar Liqasından ələnmiş Rusiyanın SSKA, “Spartak” (Moskva), Almaniyanın “Leypsiq”, “Borussiya” (Dortmund), İspaniyanın “Atletiko”, Portuqaliyanın “Sportinq”, İtaliyanın “Napoli”, Şotlandiyanın “Seltik” komandaları da Avropa Liqasının 1/16 finalında oynayacaqlar.
