Nazirliyə müraciətlər 35,8 faiz azalıb
Əmək və Əhalinin Sosial Müdafiəsi Nazirliyi bildirir ki, noyabr ayında 142 və 190 çağrı mərkəzlərinə oktyabr ayı ilə müqayisədə 6,9 faiz, keçən ilin noyabr ayına nisbətən 35,8 faiz az olmaqla 13826 müraciət daxil olub.
Müraciətlərin 95,6 faizini sosial təminat növlərinə hüququn müəyyən olunması, əmək qanunvericiliyi, sosial sığorta münasibətləri, tibbi-sosial ekspertiza və reabilitasiya xidmətləri, əmək və sosial müdafiə sahələrində fəaliyyət göstərən elektron xidmətlərdən istifadə qaydaları və s. ilə bağlı sorğular təşkil edib.
Rəsmi hesabata görə, müraciətlərin qalan 4,4 faizinə nazirliyin aidiyyəti struktur bölmələrində baxılıb.
Ümumilikdə yanvar-noyabr aylarında Əmək və Əhalinin Sosial Müdafiəsi Nazirliyinin çağrı mərkəzlərinə 134 533 müraciət daxil olub.
