Hara nə qədər yağıb?
Ekologiya və Təbii Sərvətlər Nazirliyinin Milli Hidrometeorologiya Departamenti xəbər verir ki, dekabrın 6-sı gündüzdən 7-si səhərədək Azərbaycanda sərt hava şəraiti hökm sürüb, yağış, dağlıq və dağətəyi rayonlarda qar yağıb, bəzi yerlərdə intensiv olub. Şimal-qərb küləyi əsib, ayrı-ayrı rayonlarda arabir güclənib.
Düşən yağıntının miqdarı Bakıda və Abşeron yarımadasında 2, Böyük Qafqazda 24, Naxçıvan Muxtar Respublikasında 9, Lənkəran-Astara zonasında 14, Mərkəzi Aran rayonlarında 13, Kiçik Qafqazda 6, Qazax-Gəncə zonasında 4 millimetrə çatıb.
Qarın qalınlığı Şahdağda 33, Xınalıq, Sarıbaşda 28, Ləzə, Qırızda 20, Xaltanda 19, Qonaqkənddə 18, Altıağacda 14, Qusarda 12, Gədəbəydə 8, Daşkəsən, Yardımlıda 5, Ordubadda 4, Qubada 3, Kəlvəzdə 2, Şahbuzda 1 santimetr olub.
