Bu il nə qədər güzəştli kredit verilib?
İqtisadiyyat Nazirliyinin Sahibkarlığa Kömək Milli Fondu dekabrın 7-si Göyçayın Ulaşlı Şıxlı kəndində işgüzar forum keçirib. Rəsmi məlumata görə, forumda çıxış edən icraçı direktor Şirzad Abdullayev 2017-ci ildə fondun 1850-dək sahibkarlıq subyektinə 121,7 milyon manat güzəştli kredit verdiyini deyib. Onun sözlərinə görə, indiyədək Aran iqtisadi rayonunda layihələrə 545 milyon manat güzəştli kredit ayrılıb.
İşgüzar forumda Aran iqtisadi rayonunda fəaliyyət göstərən sahibkarlıq subyektləri 4,3 milyon manat güzəştli kredit alıb. Kreditlərin əsasən heyvandarlıq, bağçılıq, aqroparkın yaradılması, tikinti materiallarının istehsalı və s. sahələrin inkişafına yönəldiləcəyi, layihələr hesabına 400-dən çox yeni iş yerinin açılmasına imkan yaranacağı bildirilir.
