Rublun kursu yüksəlib, avro ucuzlaşıb
Dekabrın 5-də Rusiya rublunun rəsmi kursu 0,0289 manatdan 0,0290 manata qaldırılıb. Novator.az-ın məlumatına görə, Mərkəzi Bank ABŞ dollarının məzənnəsini 1,7001 manat saxlayıb, avronun qiymətini isə 2,0181 manatdan 2,0180 manata düşürüb (Məzənnələr).
2017-ci ildə dollar 1,7707 manatla start götürüb. Ən yuxarı rəsmi qiymət yanvarda 1,9165 manat, fevralda 1,92 manat, martda 1,7563 manat, apreldə 1,7244 manat, mayda 1,7026 manat, iyunda 1,7023 manat, iyulda 1,7022 manat, avqust və sentyabrda 1,701 manat, oktyabr və noyabrda 1,7003 manat olub.
Dövlət Neft Fondu 2017-ci ildə manatın sabitliyini qorumağa 3 milyard 12,3 milyon dollar və 2 milyard 448,3 milyon manat sərf edib. Rəsmi hesabata görə, fond Mərkəzi Bankın bu il keçirdiyi hərraclarda üst-üstə 3 milyard 12,3 milyon dollar məbləğində vəsait satıb, yanvar-sentyabr aylarında isə Mərkəzi Banka 2 milyard 448,3 milyon manat köçürüb.
