Əlillərə xidmət hesabatı
Əmək və Əhalinin Sosial Müdafiəsi Nazirliyi əlilliyi olan şəxslərə xidmət hesabatı yayıb. Rəsmi məlumata görə, əlilliyi olan şəxslərə noyabr ayında 3116 protez-ortopedik məmulat və reabilitasiya vasitəsi verilib. 11 ayda isə bu təbəqədən olan şəxslərin 28936 protez-ortopedik məmulat və reabilitasiya vasitəsi ilə təminatı həyata keçirilib.
Əlilliyi olanlara yanvar-noyabr aylarında 908 əlil arabası, 1188 aşağı və yuxarı ətraf protezi, 1582 aşağı və yuxarı ətraf ortezi, bel və boyun nahiyəsi üçün 573 korset, 8270 müxtəlif reabilitasiya vasitəsi, 2425 cüt protez ayaqqabı, 4233 cüt ortopedik ayaqqabı, 221 ortopedik aparat verilib. Qeyd olunan şəxslər 1258 cüt dirsəkaltı ağac, 657 dördayaqlı dayaq vasitəsi, 707 cüt qoltuqaltı ağac, 1870 əsa, 560 eşitmə aparatı və s. ilə təmin olunublar. 700 reabilitasiya vasitəsi və protez-ortopedik məmulat təmir edilib.
Yanvar-noyabr aylarında 12161 nəfər protez-ortopedik bərpa xidməti alıb. Onların 1470 nəfəri ölkənin ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlil olanlar şəxslərdir.
585 nəfərə stasionar xidmət göstərildiyi də bildirilir.
