Bakıda ərzaq 20 faizə yaxın bahalaşıb
2017-ci ilin oktyabr ayında paytaxtda istehlak məhsullarının və xidmətlərin qiymətləri sentyabr ayına nisbətən 1,6 faiz, o cümlədən ərzaq məhsullarının qiymətləri 2,4 faiz, qeyri-ərzaq məhsullarının qiymətləri 1,2 faiz, xidmətlər üzrə qiymətlər 0,9 faiz artıb. Hesabatı Bakı Şəhər Statistika İdarəsi yayıb.
Novator.az qiymətlərin il ərzində necə dəyişməsinə də nəzər salıb. Yanvar-oktyabr aylarında məhsullar və xidmətlər 2016-cı ilin 10 ayına nisbətən 13,5 faiz bahalaşıb. Ərzaq məhsulları, içkilər və tütün üzrə 19,9 faiz, qeyri-ərzaq məhsulları üzrə 8 faiz, xidmətlər üzrə 10,1 faiz bahalaşma qeydə alınıb.
