Yeni forum, yeni kreditlər
İqtisadiyyat Nazirliyinin Sahibkarlığa Kömək Milli Fondu noyabrın 30-u Balakən rayonunda işgüzar forum keçirib. Rəsmi məlumata görə, fondun şöbə müdiri Samir Hümbətov forumda deyib ki, 2017-ci ildə 1700-dək sahibkarın investisiya layihəsinə 114 milyon manat güzəştli kredit verilib, bununla 5100-dək yeni iş yerinin açılmasına imkan yaranıb.
Hesabata əsasən, indiyədək Şəki-Zaqatala iqtisadi rayonunda fəaliyyət göstərən sahibkarlıq subyektlərinin 2270-dək investisiya layihəsi üçün 102,4 milyon manat güzəştli kredit ayrılıb.
Forumda sahibkarlar 874 min manat güzəştli kredit alıb. Kreditlərin heyvandarlıq, quşçuluq, bağçılıq, tütünçülük, mebel istehsalı və s. sahələrin inkişafına yönəldiləcəyi, 150-dək yeni iş yerinin açılmasının mümkün olacağı bildirilir.
