Vermişyan “Meqafon”un icraçı direktoru oldu
Erməni əsilli Gevork Vermişyan Rusiyanın ən böyük mobil operatorlarından olan “Meqafon”un icraçı direktoru postuna gətirilib.
Novator.az bildirir ki, Gevork Vermişyan 2011-ci ilin iyulundan şirkətin baş direktorunun malliyə məsələləri üzrə müavini-maliyyə direktoru idi.
Gevork Vermişyan 1978-ci ildə Yerevanda doğulub. “Meqafon”dan qabaq “Lukoyl” şirkətində işləyib.
“Meqafon”un səhmlərinin 56,32%-i özbək milyarder Əlişir Usmanovun “USM Holdings” şirkətinə, 18,79%-i “Qazprombank”a, 3,92%-i “Meqafon”un “Megafon İnvestments” törəmə şirkətinə məxsusdur. Səhmlərin 20,97%-i isə sərbəst dövriyyədədir.
