Türkiyəli komandan aviabazalara baş çəkib
Müdafiə nazirinin müavini, Hərbi Hava Qüvvələrinin komandanı general-leytenant Ramiz Tahirov Azərbaycan səfərində olan Türkiyə Hərbi Hava Qüvvələrinin komandanı ordu generalı Həsən Küçükakyüzün rəhbərlik etdiyi nümayəndə heyəti ilə görüşüb. Mod.gov.az-ın 1 dekabr məlumatına görə, görüşdə iki ölkənin hərbi hava qüvvələri arasında əməkdaşlığın vəziyyəti, genişləndirilməsi və qarşılıqlı maraq doğuran digər məsələlər müzakirə olunub.
Türkiyə nümayəndə heyəti Azərbaycan Hərbi Hava Qüvvələrinin aviabazalarını da ziyarət edib. Qonaqlara aviabazaların fəaliyyəti barədə ətraflı məlumat verilib.
