Azərbaycan-Əfqanıstan sənədləri imzalanıb
Dekabrın 1-i prezident İlham Əliyev Bakıda əfqanıstanlı həmkarı Məhəmməd Əşrəf Qəni ilə təkbətək və geniş tərkibdə görüşüb.
AZƏRTAC xəbər verir ki, görüşlərin ardınca bu sənədlər imzalanıb: “Azərbaycan Respublikası Hökuməti və Əfqanıstan İslam Respublikası Hökuməti arasında iqtisadi-ticarət sahəsində əməkdaşlıq haqqında Saziş”; “Azərbaycan Respublikası Hökuməti və Əfqanıstan İslam Respublikası Hökuməti arasında sərmayələrin təşviqi və qarşılıqlı qorunması haqqında Saziş”; “Azərbaycan Respublikasının Təhsil Nazirliyi və Əfqanıstan İslam Respublikasının Ali Təhsil Nazirliyi arasında təhsil sahəsində əməkdaşlıq haqqında Saziş”; “Azərbaycan Respublikası Hökuməti və Əfqanıstan İslam Respublikası Hökuməti arasında təhlükəsizlik və hüquq mühafizə fəaliyyəti sahəsində Saziş”; “Azərbaycan Respublikası Hökuməti və Əfqanıstan İslam Respublikası Hökuməti arasında hava xidmətləri haqqında Saziş”.
Sənədlərin imzalanması mərasimindən sonra İlham Əliyev və Məhəmməd Əşrəf Qəni mətbuata bəyanatlarla çıxış ediblər.
