Snayperlərin toplantısı
Naxçıvan Muxtar Respublikasındakı Əlahiddə Ümumqoşun Ordusunda snayperlərin təlim toplantısı keçirilir. Mod.gov.az-ın məlumatına görə, toplantıda əsas diqqət çətin relyefli və kəskin iqlimli ərazidə fəaliyyət göstərmək üçün şəxsi heyətə yüksək dözüm, təmkin, fiziki hazırlıq aşılanmasına yönəldilib.
Məşğələlər zamanı hədəfin aşkar edilməsi, ona gizli yaxınlaşma, atəş mövqeyi seçmə, maskalanma, atəş üçün ilkin məlumatların hazırlanması, sərrast atəşlə şərti hədəfin məhvi və digər fəaliyyətlər məşq etdirilir.
Bölmələrin silahlanmasındakı müxtəlif ölkələrin, eləcə də milli müdafiə sənayesinin istehsalı olan müasir snayper tüfəngləri tapşırıqdan, ərazidən, məsafədən və digər faktorlardan asılı olaraq təyinatına görə tətbiq olunur.
