Kreditlərə zəmanət qaydaları təsdiqləndi
Prezident İlham Əliyev “Azərbaycan Respublikasının Kredit Zəmanət Fondu” Açıq Səhmdar Cəmiyyətinin fəaliyyətinin təmin edilməsinə fərman verib. Bu qurumu dövlət başçısı sentyabrın 15-də yaradıb. ASC sahibkarların müvəkkil banklardan manatla aldıqları kreditlərə təminat verən və prezidentin müəyyən etdiyi hallarda və qaydada həmin kreditlərə hesablanmış faizlərin bir hissəsinə subsidiya verən hüquqi şəxsdir.
Noyabrın 29-da imzalanan fərmanla ASC-nin nizamnaməsi, strukturu, eləcə də sahibkarların manatla aldığı kreditlərə təminat verilməsi, kreditlərə hesablanmış faizlərə görə subsidiya verilməsi, ASC-də kredit reytinqi sisteminin və digər risk menecmenti alətlərinin tətbiqi qaydaları təsdiq edilib.
Subsidiya 2018-ci il yanvarın 1-dən dekabrın 31-dək banklardan manatla alınan kreditlərə hesablanmış faizlərə görə verilir.
Novator.az bildirir ki, nizamnaməsinə əsasən, “Azərkreditzəmanət” ASC-nin əsas məqsədi sahibkarların maliyyə resurslarına çıxış imkanlarını artırmaq və bununla sahibkarlıq fəaliyyətini stimullaşdırmaq, həmçinin maliyyə sahəsində risklərin bölüşdürülməsinə əsaslanan kreditləşmə sistemini formalaşdırmaqdır.
ASC-nin sahibkarların müvəkkil banklardan manatla aldıqları kreditlərə zəmanət vermək; sahibkarların müvəkkil banklardan manatla aldıqları kreditlərə hesablanmış faizlərə dövlət büdcəsinin vəsaiti hesabına subsidiyalar vermək; sahibkarlara borcların idarə edilməsi, risklərin qiymətləndirilməsi və idarə olunması sahəsində məsləhət xidmətləri göstərmək və s. vəzifələri var.
Qurumun nizamnamə kapitalı 100 milyon manatdır. Onun üç idarəetmə orqanı var: Səhmdarların Ümumi Yığıncağı; Müşahidə Şurası; İdarə Heyəti.
ASC-nin fəaliyyətinə cari rəhbərliyi kollegial icra orqanı olan İdarə Heyəti həyata keçirir. İdarə Heyətinin tərkibi 3 nəfərdir (prezidentinin vəzifəyə təyin və vəzifədən azad etdiyi sədr və onun müavini, həmçinin Müşahidə Şurasının vəzifəyə təyin və vəzifədən azad etdiyi digər üzv).
Zəmanət verilməsi şərtlərinə görə, kreditin məbləği 30 min manatdan az olmamalıdır.
Kreditlərə təminat verilməsi qaydası
Kredit reytinqi sisteminin və digər risk menecmenti alətlərinin tətbiqi
