Zəlzələ qurbanlarının sayı 500-ü ötüb
İranın Məhkəmə-Tibb Təşkilatı 12 noyabr zəlzələsi ilə bağlı yeni rəqəmlər açıqlayıb. Novator.az-ın məlumatına görə, noyabrın 29-da yayılan rəsmi açıqlamada zəlzələ qurbanlarının – həlak olanların sayının 505-ə çatdığı bildirilir.
Noyabrın 12-si axşam İran-İraq sərhədində baş verən 7,2 ballıq zəlzələdə ən çox Kirmanşah vilayəti ziyan çəkib. Zəlzələnin İranda 70 min nəfəri evsiz qoyduğu, 12 mindən çox şəxsin xəsarət aldığı bildirilir.
İraqın Səhiyyə Nazirliyinin məlumatına görə, 12 noyabr fəlakəti bu ölkədə 7 nəfərin həyatına son qoyub, 535 nəfər xəsarət alıb.
