Hərracda qiymət 25 mindən 61 minə qalxıb
Əmlak Məsələləri Dövlət Komitəsi bildirir ki, 28 noyabr hərracında 20 dövlət əmlakı (7 kiçik dövlət müəssisəsi, 8 istifadəsiz qeyri-yaşayış sahəsi, 5 nəqliyyat vasitəsi) özəlləşdirilib.
Kiçik dövlət müəssisələri Bakı, Sumqayıt və Göygöl şəhərlərində və Cəlilabad rayonunda yerləşir. Hərracda sahibini tapan əmlaklar xidmət, səhiyyə, iaşə sahəsinə aid olub.
Özəlləşdirilən qeyri-yaşayış sahələrinin 7-si paytaxtda, 1-i Şirvan şəhərindədir.
Rəsmi məlumata görə, paytaxtın Suraxanı rayonunda yerləşən qeyri-yaşayış sahəsinin start qiyməti 25 min manat olub, ancaq əmlak 61 min manata satılıb.
