Rusiya hökuməti işsizə nə qədər pul verir?
Rusiya hökuməti 2018-ci il üçün işsizlik üzrə müavinət məbləğlərini təsdiqləyib. Novator.az xəbər verir ki, qərara əsasən, 2016 və 2017-ci illərdə olduğu kimi gələn il də işsizlik müavinətinin aşağı həddi 850 rubl (25 manat), yuxarı həddi 4900 rubl (142 manat) olacaq.
Rusiya Əmək və Sosial Müdafiə Nazirliyinin məlumatına görə, 2017-ci ilin noyabrın 1-nə ölkədə qeydə alınmış işsizlik səviyyəsi iqtisadi fəal əhali sayının 0,93%-nə bərabərdir.
Noyabrın 1-nə məşğulluq xidməti orqanlarında 710 min 50 nəfər işsiz qeydə alınıb.
Novator.az bildirir ki, 2017-ci il noyabrın 1-nə Azərbaycanın məşğulluq xidməti orqanları 36,9 min nəfərə rəsmi işsiz statusu verib. İşsizlik müavinətinin orta məbləği 270,2 manat olub.
