Nazirlik üçün yeni bina tikiləcək
Kənd Təsərrüfatı Nazirliyi üçün yeni inzibati bina tikiləcək.
“Turan” agentliyi xəbər verir ki, nazirlik binanın tikintisi üçün təkliflər sorğusu həyata keçirir. Bu məqsədlə tikinti şirkətlərindən sənədlərin qəbuluna başlanıb. Sənədlərin qəbulu üçün 10 gün vaxt ayrılıb.
Yeni inzibati binanın tikintisinin zəruri olduğu bu il mayin 30-da elan olunub və layihələndirmə üçün tender elan edilib.
Tender komissiyası bildirib ki, bina 10 mərtəbəli olacaq.
Yeni binada Kənd Təsərrüfatı Nazirliyinin mərkəzi aparatı, dövlət xidmətləri yerləşəcək.
Kənd Təsərrüfatı Nazirliyi hazırda Hökumət evində yerləşir.
