Cəbhə bölgəsində zabit evi açılıb
Müdafiə naziri Zakir Həsənov cəbhə bölgəsində zabitlər üçün inşa edilmiş yaşayış kompleksinin açılışında iştirak edib. Xəbəri Mod.gov.az noyabrın 27-də yayıb.
Rəsmi məlumata görə, ikimərtəbəli, 33 yaşayış otağı və yardımçı otaqlardan ibarət zabit yataqxanası kommunikasiya xətləri ilə tam təchiz olunub, mebel və digər avadanlıqlarla təmin edilib.
Yaşayış kompleksinin həyətində yaşıllıq və abadlıq işləri görülüb, mini-futbol meydançası və idman şəhərciyi salınıb, hərbi qulluqçuların səmərəli istirahəti üçün digər lazımi şərait yaradılıb.
