Böyük beşlikdə nələr yaşanır?
Avropanın nəhəng futbol ölkələrində milli çempionatlar davam edir. Novator.az-ın məlumatına görə, İspaniya çempionatında 13 turun yekununda “Barselona” birincidir: 35 xal. “Valensiya” 31 xalla ikinci pillədə durur, “Atletiko” və “Real” 27 xal yığıb.
13 turu geridə qalan Almaniya çempionatında “Bavariya” 29 xalla liderdir. “Leypsiq” 26 xal, “Şalke” və “Borussiya” (Möhhenqladbah) 24 xal toplayıb.
İngiltərə çempionatında 13 turdan sonra “Mançester Siti” 37 xalla öndədir. “Mançester Yunayted”in 29, “Çelsi”nin 26, “Arsenal”ın 25 xalı var.
14 turun ardından İtaliya çempionatında ilk pillədə 38 xalla “Napoli” dayanır. “İnter” 36 xal, “Yuventus” 34 xal toplayıb. Bir oyun az keçirən “Roma”nın 31 xalı var.
PSJ 14 turdan sonra Fransa çempionatında zirvədə qərar tutub: 38 xal. “Lion” və “Monako” 29 xal yığıb.
İspaniya, Almaniya, İngiltərə, İtaliya çempionatlarında 1-4-cü yerləri, Fransa çempionatında 1-2-ci yerləri tutan komandalar Çempionlar Liqasının qrup mərhələsinə birbaşa vəsiqə alacaq.
