Afrikalı qız kainat gözəli oldu
Cənubi Afrika Respublikasından Demi-Li Nel-Piters kainat gözəli müsabiqəsinin qalibi olub. Novator.az-ın məlumatına görə, final raundu noyabrın 26-sı ABŞ-ın Las-Veqas şəhərində keçirilən müsabiqəyə 92 qız qatılıb. İlk üçlükdə kolumbiyalı Laura Qonsales və yamaykalı Davina Bennet də yer alıblar.
Kainat gözəli müsabiqəsi 1952-ci ildən keçirilir. 1996-2015-ci illərdə müsabiqəyə hazırda ABŞ prezidenti postunu tutan Donald Tramp sahiblik edib.
22 yaşlı Demi-Li Nel-Piters özünümüdafiə üzrə məşqçidir, menecment ixtisası ilə universitet bitirib. Kainat gözəli seçildiyi üçün afrikalı qız bahalı taca sahib olmaqla yanaşı Nyu-Yorkda bir il pulsuz yaşamaq hüququ əldə edib.
