Rusiyanın 3 illik büdcəsi qəbul olundu
Rusiya parlamentinin aşağı palatası olan Dövlət Duması noyabrın 24-də 2018-2020-ci illərin federal büdcə layihələrinə səs verib. Novator.az-ın məlumatına görə, 2018-ci ildə dövlət büdcəsinin gəlirləri 15,258 trilyon rubl (444 milyard manat) proqnozlaşdırılır.
2019-cu il üzrə gəlir proqnozu 15,555 trilyon rubl (452,6 milyard manat), 2020-ci il üzrə 16,285 trilyon rubldur (473,8 milyard manat).
Gələn il üçün büdcənin xərcləri 16,529 trilyon rubl (480,9 milyard manat) gözlənir.
2019-cu il üçün 16,374 trilyon rubl (476,4 milyard manat), 2020-ci il üçün 17,155 trilyon rubl (499,2 milyard manat) xərc nəzərdə tutulub.
Novator.az xatırladır ki, Azərbaycanın 2018-ci il büdcəsində gəlirlər 20 milyard 127 milyon manat, xərclər 20 milyard 905,7 milyon manat proqnozlaşdırılır.
