İlham Əliyev Şərq Tərəfdaşlığı Sammitində iştirak edib
Belçika Krallığında işgüzar səfərdə olan prezident İlham Əliyev noyabrın 24-ü Brüsseldə Avropa İttifaqının Şərq Tərəfdaşlığı Sammitində iştirak edib.
AZƏRTAC xəbər verir ki, Şərq Tərəfdaşlığı Sammitinin plenar sessiyası Avropa İttifaqının binasında keçirilir. Prezidenti Avropa İttifaqı Şurasının prezidenti Donald Tusk, Avropa Komissiyasının prezidenti Jan-Klod Yunker və Avropa İttifaqına sədrlik edən Estoniyanın baş naziri Yuri Ratas qarşılayıb.
Novator.az bildirir ki, Avropa İttifaqının Şərq tərəfdaşlığı proqramı Azərbaycan, Gürcüstan, Ukrayna, Moldova, Belarus və Ermənistanı əhatə edir.
1957-ci ildə yaradılmış Avropa İttifaqının 28 üzvü var: Almaniya, Avstriya, Belçika, Bolqarıstan, Böyük Britaniya, Çexiya, Danimarka, Estoniya, Finlandiya, Fransa, Xorvatiya, İrlandiya, İspaniya, İsveç, İtaliya, Kipr, Latviya, Litva, Lüksemburq, Macarıstan, Malta, Niderland, Polşa, Portuqaliya, Rumıniya, Slovakiya, Sloveniya, Yunanıstan. Böyük Britaniya qurumdan çıxmaq üzrədir.
