Sahibkarlara yeni kreditlər verildi
İqtisadiyyat Nazirliyinin Sahibkarlığa Kömək Milli Fondu noyabrın 23-də Biləsuvar rayonunda işgüzar forum keçirib. Forum çərçivəsində rayonda fəaliyyət göstərən sahibkarlıq subyektlərinə 965 min manat güzəştli kredit verilib. Kreditlərin heyvandarlıq, pambıqçılıq, istixana kompleksinin yaradılması sahələrinə yönəldiləcəyi vurğulanır.
Rəsmi məlumata görə, Biləsuvar rayonundan olan 737 sahibkar indiyədək 33 milyon manat güzəştli kredit alıb. Aran iqtisadi rayonunda fəaliyyət göstərən sahibkarların 13 min 400-dək investisiya layihəsinin maliyyələşdirilməsinə isə 544,4 milyon manat güzəştli kredit ayrıldığı bildirilir.
