NİDA-çı gəncin şikayətinə baxılıb
NİDA Vətəndaş Hərəkatının fəalı Ümman Səfərovun həbsindən verilmiş apellyasiya şikayətinə baxılıb.
Ümman Səfərov noyabrın 14-də tutulub. Xətai Rayon Məhkəməsinin qərarı ilə ona 15 sutka inzibati həbs cəzası verib. Gənc fəal polisin qanuni tələbinə tabe olmamaqda təqsirli bilinib.
“Turan”ın məlumatına görə, noyabrın 22-si Bakı Apellyasiya Məhkəməsində keçirilən prosesdə vəkil Fəxrəddin Mehdiyev Ümman Səfərovun həbsini onun sosial şəbəkədə hökuməti tənqid edən statusları ilə əlaqləndirib.
NİDA-çı gənc də deyib ki, həbsinin əsl səbəbi budur.
Hakim Qail Məmmədovun sədrliyi ilə keçirilən prosesdə şikayət təmin edilməyib.
Ümman Səfərov Bakı Dövlət Universitetinin tələbəsidir.
