Büdcə paketinin rəqəmləri
Milli Məclis 2018-ci ilin büdcə paketinin müzakirəsini yekunlaşdırır. Novator.az-ın məlumatına görə, noyabrın 22-də dövlət büdcəsi layihəsinin müzakirəsi başa çatıb. Layihədə dövlət büdcəsinin gəlirləri 20 milyard 127 milyon manat, xərcləri 20 milyard 905,7 milyon manat proqnozlaşdırılır.
2018-ci ildə tikintiyə 4 milyard 927,5 milyon manat; sosial müdafiə və sosial təminata 2 milyard 197,2 milyon manat; təhsilə 2 milyard manat; müdafiə qüvvələrinə 1 milyard 366,3 milyon manat; məhkəmə hakimiyyəti, hüquq mühafizə və prokurorluğa 1 milyard 329,5 milyon manat; səhiyyəyə 740,7 milyon manat; qanunvericilik və icra hakimiyyəti orqanlarının saxlanmasına 654,9 milyon manat; kənd təsərrüfatına 616,6 milyon manat; elmə 128 milyon manat; mədəniyyət və incəsənət sahəsində fəaliyyətə 127,8 milyon manat; milli təhlükəsizlik sisteminə 111,6 milyon manat; radio, televiziya və nəşriyyat xərclərinə 57,7 milyon manat; sahibkarlığa dəstək üçün 46,5 milyon manat ayırmaq nəzərdə tutulur.
Büdcə zərfinə daxil olan digər sənədlər noyabrın 23-də müzakirəyə çıxarılacaq. Dövlət Sosial Müdafiə Fondunun 2018-ci il büdcəsində gəlirlər 3 milyard 578 milyon 760 min manat, xərclər eyni miqdardadır.
2018-ci il üçün yaşayış minimumu ölkə üzrə 173 manat, əmək qabiliyyətli əhali üçün 183 manat, pensiyaçılar üçün 144 manat, uşaqlar üçün 154 manat məbləğində müəyyən edilir.
Ünvanlı dövlət sosial yardımının təyin edilməsi məqsədilə 2018-ci il üçün ehtiyac meyarının həddi 116 manat məbləğində təsdiqlənir.
İşsizlikdən sığorta fondunun 2018-ci il büdcəsi 89 milyon 40 min manatdır.
