8 baldan yuxarı 20 zəlzələ proqnozu
ABŞ-ın Geologiya Cəmiyyətinin üzvləri 2018-ci ildə güclü zəlzələlərin artacağını proqnozlaşdırır. Novator.az-ın məlumatına görə, seysmoloqlar gələn il Yer kürəsində 8 baldan yuxarı 20 güclü zəlzələnin baş verəcəyini ehtimal edir.
Mütəxəssislər bildirirlər ki, əsas zərbə bir milyarda yaxın əhalisi olan tropik bölgələrə dəyə bilər. ABŞ-ın Kolorado və Montana universitetlərinin tədqiqatçıları 20-ci əsrin zəlzələlərini araşdırmaqla bu qənaətə gəliblər.
Alimlər seysmik aktivliyin artmasını Yerin fırlanma sürətinin azalmasına bağlasalar da, bunu dəqiq səbəb kimi göstərə bilmirlər. Onlar planetin fırlanma sürətinin azalması dövründə güclü zəlzələ sayının 2 dəfə artdığını müşahidə ediblər.
Səidə Hüseynova
