Sərhəd pozuntularının hesabatı
Dövlət Sərhəd Xidməti aylıq hesabat yayıb. Rəsmi məlumata görə, 2017-ci ilin oktyabr ayı ərzində dövlət sərhədini pozan 39 nəfər tutulub. Onların 16-sı Azərbaycan, 8-i Özbəkistan, 6-sı Tacikistan, 2-si İran, 2-si Pakistan, qalanları Rusiya, Moldova, Qırğızıstan, Şri-Lanka, Hindistan vətəndaşlarıdır.
Sərhəd rejim pozucusu qismində 38 nəfər saxlanıb.
Rejim qaydalarını pozan 2168 nəfər (ölkədən çıxışı qadağan olunduğuna görə 1158, ölkəyə girişi qadağan olunduğuna görə 117, vizası olmadığına görə 302, vizasının və pasportunun müddəti bitdiyinə görə 152, müvafiq sənədi olmadığına görə 95, ölkədə müddətdən artıq qaldığına görə 161, etibarnaməsi olmadığına görə 183 nəfər) dövlət sərhədindən buraxılmayıb.
Azərbaycanın hüquq mühafizə orqanlarının axtarışında olan 478 nəfər aşkarlanaraq aidiyyəti orqanlara təhvil verilib.
Ay ərzində 1 kiloqram 758,88 qram narkotik maddə aşkar edilərək götürülüb, ümumi dəyəri təqribən 269 min 310 min manat olan qaçaqmal saxlanıb.
