Naxçıvan Qarnizonunda döyüş təlimləri
Noyabrın 21-də Müdafiə Nazirliyi rəsmi məlumat yayıb. Qeyd edilir ki, Naxçıvan Qarnizonundakı komanda-qərargah hərb oyunlarında praktiki atışlar icra olunub: “Praktiki fəaliyyətlərə cəlb edilən bölmələr yaranmış əməliyyat şəraitinə uyğun olaraq şərti düşmənin hücumunu dəf edərək onu öz mövqelərinə geri çəkilməyə məcbur edib, aktiv fəaliyyətlərlə vacib yüksəklik və hüdudları ələ keçirib, həmin mövqelərdə möhkəmlənib.
Gecə və gündüz şəraitində artilleriya bölmələri hücumu praktiki atəşlə dəstəkləyib, mühəndis-istehkam bölmələri qrupların maneəsiz hərəkətini təmin edib. Bölmələrin fəaliyyətini ordu aviasiyası və hava hücumundan müdafiə bölmələri havadan himayə edib, taktiki desantın təyin olunmuş rayonlara çıxarılması həyata keçirilib.
Təlim zamanı döyüşün hərtərəfli təminatı üzrə təmir və təxliyə tapşırıqları yerinə yetirilib”.
