Bakıda toz dumanı: nazirlik hər 3 saatdan bir müşahidə aparır
Bakıda və Abşeron yarımadasında tozun miqdarı sanitar normanı keçib.
Müşahidə olunan toz dumanı Ərəbistan yarımadasından cənub-qərb küləyi ilə ölkə ərazisinə daxil olub.
Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamenti vəziyyətlə əlaqədar hər üç saatdan bir müşahidələr aparır.
Ekologiya və Təbii Sərvətlər Nazirliyinin mətbuat xidmətindən Novator.az-a bildiriblər ki, havanın keyfiyyətini ölçən avtomatik və stasionar monitorinq stansiyalarından alınan məlumata görə, noyabrın 21-i səhər saat 9-da Bakı və Abşeron yarımadasında tozun miqdarının sanitar normadan hələ də yuxarı olduğu qeydə alınıb.
