Təcili tibbi yardım statistikası
Bakı Şəhər Təcili Tibbi Yardım Stansiyası bu ilin 10 ayı ərzində 567,7 min müraciət alıb. Səhiyyə Nazirliyinin yaydığı məlumatda bildirilir ki, çağırışlar nəticəsində 52 min 965-dən çox şəxs xəstəxanalara yerləşdirilib.
Hesabata görə, müraciətlərin 123,4 mini ürək-qan damar xəstəlikləri, 697-i miokard infarktı, 3,1 mini insult, 2,6 mini doğuş, 17,2 mini zədələnmə, 1937-si avtomobil qəzası ilə bağlı olub.
Bakı Şəhər Təcili Tibbi Yardım Stansiyasının bölmələrinə 31 min 510 birbaşa müraciət qeydə alınıb, 2 min 591 xəstə hospitalizasiya edilib.
Ümumi müraciətlər nəticəsində 20 min 893 bədbəxt hadisə qeydə alınıb. Bədbəxt hadisələr zamanı 13 min 962 nəfər hospitalizasiya edilib.
