Prezident seçkisi ikinci tura qaldı
Çilidə noyabrın 19-da keçirilmiş prezident seçkisinin ilkin nəticələri açıqlanıb. Novator.az-ın məlumatına görə, sağ qüvvələrin namizədi, sabiq prezident Sebastyan Pinyera 36,6% səslə önə çıxıb. Mərkəzçi solları təmsil edən senator Alexandro Gilyer 22,7% səslə ikincidir. Solçu koalisiyadan Beatris Sançes Munyos 20,3% səs yığıb.
Heç bir namizəd 50%-lik həddi aşmadığı üçün dekabrın 17-nə ikinci tur təyin olunub. Həmin gün Sebastyan Pinyera ilə Alexandro Gilyer üz-üzə gələcək.
