Avtobuslar yeni yanacaq növünə keçib
Londonun məşhur qırmızı avtobusları qismən yeni yanacaq növünə keçib.
Novator.az-ın məlumatına görə, prosesə noyabrın 20-dən start verilib.
Yeni yanacaq dəmlənmiş qəhvənin xıltından hazırlanır. “Royal Dutch Shell”in dəstəyi ilə “Bio-bean” şirkətinin hazırladığı bu yanacaq qəhvə tullantısından alınan yağla adi dizelin qarışığından ibarətdir.
Londonun hər sakini orta hesabla gündə 2-3 fincan qəhvə içir. İl ərzində Londonda 200 min ton qəhvə xıltı çölə atılır. “Bio-bean” şirkəti bu tullantılardan hələlik 6 min litr qəhvə yağı hazırlaya bilib. Bir avtobusu il ərzində bu növ yanacaqla tam təmin etmək üçün 2 milyon 550 min fincan qəhvə içilməlidir.
Səidə Hüseynova
