15 günün yoxlamaları, cəzalar
1-15 noyabr arası ekoloji qanunvericiliyin tələblərinə riayət olunmasını yoxlayan Ekologiya və Təbii Sərvətlər Nazirliyinin Ətraf Mühitin Mühafizəsi Departamenti hesabat yayıb. Rəsmi məlumatda qeyd olunur ki, atmosfer havasının, su və torpaq ehtiyatlarının, yerin təkinin, fauna və floranın mühafizəsi, o cümlədən ətraf mühitə məişət və istehsalat tullantılarının yerləşdirilməsi sahəsində qanun pozuntularına görə 213 akt və protokol tərtib olunub, nöqsanların aradan qaldırılması üçün icrası məcburi olan 19 müddətli göstəriş verilib.
65 iş üzrə 41805,92 manat məbləğində inzibati cərimə tətbiq olunub, ətraf mühitə dəymiş ziyana görə 67 iş üzrə 54402,58 manat məbləğində iddia qaldırılıb, ətraf mühitə tullantıların atılmasına və axıdılmasına görə 110 iş üzrə 58548,26 manat məbləğində ödəmə tətbiq edilib.
Tədbir görülməsi üçün hüquq mühafizə orqanlarına 17, icra qurumlarına 21, məhkəmələrə 3 iş göndərilib.
